ဆံကေသာ အတွက် စိတ်ညစ်နေသူများ ဒါတွေကိုစားပြီးရင် (beauty ဆိုင်တွေမသွားနဲ့တော့နော်)

ဆံကေသာအလှအတွက် ၀င်းလက်စေတဲ့ အစာ(၁၀)မျိုး

by NANG KHA YEA on 13.10.2012

 

 

 

 

 

(၁)အဆီမပါသော အနီရောင်အသား

သံဓာတ်အားကြီးရင်ရွှေခေါင်းပြောင်ဖြစ်လိမ့်မယ်လို့ Cleveland andClinicမှာ လုပ်တဲ့
သုတေသနတွေ့ ရှိချက်က ဆိုထားတယ်။သံဓာတ်ချို့တဲ့မှုကို ကုသလိုက်ရင်ဆံပင်ပြန်ပေါက်ဖို့ အထောက်အကူဖြစ်မှာသေချာတယ်။ “ဆံပင်ကျွတ်တာနဲ့ ဆံပင်မပေါက်တဲ့ပြဿနာ ရှိတဲ့လူတွေကို လေ့လာလိုက်ရင်၊အထူးသဖြင့်အမျိုးသမီးတွေမှာသံဓာတ်ချို့တဲ့နေတာတွေ့ ရတယ်ဗျ”

Calif ဒေသ Vallejoမြို့မှာဆေးကုနေတဲ့ အရေပြားရောဂါအထူးကုPARADI MIRMI-RANI ပြောပြတယ်။
သံဓာတ်ကြွယ်ဝတဲ့ အစားအစာတွေထဲမှာကြက်ဆင်သား၊ ကြက်ဥအနှစ်၊ ဆန်လုံးညိုလိုပကတိအစေ့အဆံ၊ သစ်သီးခြောက်နဲ့ပဲခြောက်တို့ပါပါတယ်။ (ပဲခြောက်ကိုတော့ရေစိမ်ပြီး စားရမှာဖြစ်တယ်)

(၂)ကြက်ဥ၊ ဘဲဥများ

ကြက်ဥ၊ ဘဲဥ စတဲ့ဥတွေမှာ ဆံပင်ကိုသန်စေတဲ့ ဘိုင်အိုတင်ဓာတ် (Biotin) အပြည့်ပါတယ်။ ဘိုင်အိုတင်ဆိုတာ ဆံပင်ပေါက်စေတဲ့အပြင် ဆံပင်နဲ့ ဦးရေခွံကျန်းမာစေတဲ့ ဗိုက်တာမင်Bအုပ်စုထဲမှာ ပါတဲ့
ဓာတ်ဖြစ်ပါတယ်။
ဥတွေအပြင် ဘိုင်အိုတင်အများကြီးပါတဲ့အစားအစာတွေကတော့မြေပဲ၊ မက်မန်းသီး၊မက်မွန်သီး၊ဂျုံ၊ ဖွဲနု၊ ပင်လယ်ငါးသလောက်၊အဆီနည်းသော ဒိန်ခဲနဲ့ ထောပတ်သီးတွေ ဖြစ်ပါတယ်။

(၃)ငှက်ပျောသီး၊ဘီယာ၊ အုတ်စပါးနှင့် စပျစ်သီးခြောက်

ဒီအစားအစာတွေမှာ ဆံပင်ရဲ့ အလုံးအရည်အသွေးကို တိုးတက်စေတဲ့ ဆီလီကာ (Silica)ကြွယ်ဝတဲ့ အစားအစာတွေဟာဆံပင်ကို ပိုမိုသန်မာစေတဲ့အပြင် ပိုမိုသက်တမ်းရှည်စေပါတယ်။
(ဘီယာမှာဆီလီကာ (Silica) များများပါတာမှန်ပေမယ့်ချင့်ချိန်သောက်တာ ဆင်ခြင်တုံတရား ရှိရာကျပါတယ်။အမျိုးသမီးများအတွက် တစ်နေ့တစ်ခွက်၊အမျိုးသားများအတွက် တစ်နေ့နှစ်ခွက်ထက် မပိုသင့်ပါဘူး)
(၄)အစိမ်းရင့်ရောင်ဟင်းရွက်များ

ဒေါက်ခွ(Spinach)၊ ပန်းဂေါ်ဖီစိမ်းနဲ့ဆွစ်ဟင်းရွက် (Swiss Chard)တို့ ကိုများများစားဖို့လိုပါတယ်။ အဲဒီဟင်းရွက်တွေမှာဗိုက်တာမင်Aနဲ့ C ပါတဲ့အတွက်၊ဦးရေပြားအဆီ (Sebum)ထွက်အောင်
အထောက်အကူပေးတယ်။ဦးရေပြားဆီဟာ ဆံပင်ကို နက်မှောင်တောက်ပြောင်စေတဲ့ သဘာဝကွန်ဒီရှင်နာဖြစ်ပါတယ်။

(၅)ယောက်သွားခေါ် ကနုကမာကောင်
ယောက်သွားမှာ သွပ်ဓာတ် (Zinc)ကြွယ်ဝစွာပါတယ်၊ သွပ်ဓာတ်က အန်ဒရိုဂျင်တွေ(Androgens) ပုံမှန်ထွက်အောင် လုပ်ပေးပါတယ်။အန်ဒရိုဂျင်ပမာဏသိပ်နည်းရင်ဆံပင်ကျွတ်စေပါတယ်။ အင်ဒရိုဂျင်နည်းတဲ့လူတွေဟာဆံပင်အပေါက်နှေးတဲ့ ဝေဒနာခံစားရတဲ့အပြင်၊ဗောက်တွေ၊ ဒက်တွေလည်း ပွားလာပါတယ်။
ဒီတော့ အန်ဒရိုဂျင်ထုတ်ပေးတဲ့သွပ်ဓာတ်ကြွယ်ဝတဲ့ယောက်သွားတွေအပြင်ကဏန်းတွေ၊ ခုံးကောင်တွေ၊ အသည်း တွေ၊အဆီမပါတဲ့ အမဲသားတွေ စားရပါမယ်။ပြီးတော့ ဂျုံစေ့ကိုလည်း မှီဝဲရပါမယ်။
အဲဒါတွေကို စားပေးရင်ဆံပင်ကျွတ်တာပျောက်တဲ့အပြင်၊ ဆံပင်တောက်ပြောင် လန်းဆန်း ကျန်းမာ လာ မှာ ဖြစ်ပါတယ်။

(၆)ကန်စွန်းဥ

ကန်စွန်းဥမှာဘီတာကာရိုတင်းဓာတ်(Beta-carotene) ပေါတယ်။အဲဒီဓာတ်ဟာ ခန္ဓာ ကိုယ်ထဲ   ရောက်သွားတဲ့အခါခန္ဓာကိုယ်က ဗိုက်တာမင်-A အဖြစ်ပြောင်းပေးလိုက်တယ်။
သိကြတဲ့အတိုင်းပဲ ဗိုက်တာမင်-A ဟာဆံပင်နဲ့အရေပြားကို အာဟာရပြည့်ဝအောင်လုပ်ပေးတဲ့အတွက်၊ ဆံပင်မွဲမွဲခြောက်ခြောက်မဖြစ်အောင်နဲ့ အရေပြားမခြောက်သွေ့အောင်ကာကွယ်ပေးပါတယ်။
ပြီးတော့ ဦးရေပြားခြောက်တော့ဗောက်ဖြစ်ပြန်ရော။ဒါကြောင့် ဗိုက်တာမင်-A က ဗောက်မထအောင်လည်း
ကာကွယ်ပေးပါတယ်။ တောက်ပြောင်တဲ့ ဆံပင်နဲ့ ၀င်းပစိုပြည်တဲ့အရေပြားတို့ကို ပိုင်ဆိုင်ချင်တယ်ဆိုရင်ကန်စွန်းဥအပြင်၊ မုန်လာဥနီ၊ ကိုက်လန်၊ထောပတ်သီးဖျော်ရည်၊ ကညွတ်နဲ့ရွှေဖရုံသီး တို့ကိုလည်း စားနိုင်ပါတယ်။

(၇)ပဲတောင့်မျိုး

ဗိုလ်စားပဲနဲ့ ပဲနီကလေးတို့လိုပဲတောင့်ရှည်တွေဟာ သံဓာတ်ကြွယ်ဝတဲ့ ပရိုတိန်း ဇာစ်မြစ်ကောင်းတွေ  ဖြစ် တယ်။ပဲနီကလေးဟာ ဆံပင်ကြံ့ခိုင်ရေးနှင့်သန်စွမ်းရေးအတွက်အထူးကောင်းမွန်တဲ့အာဟာရဖြစ်ပါတယ်။

(၈)သစ်သီးများနှင့်ဟင်းသီးဟင်းရွက်များ

ခန္ဓာကိုယ်က သံဓာတ်ကိုကောင်းကောင်းစုပ်ယူနိုင်အောင်ပံ့ပိုးပေးတာဗိုက်တာမင်-C ဖြစ်ပြီး၊သစ်သီးများနှင့်
ဟင်းသီးဟင်းရွက်တွေဟာ ဗိုက်တာမင်-Cကြွယ်ဝတဲ့အာဟာရဓာတ်စာတွေဖြစ်တယ်။
ဗိုက်တာမင် -C နည်းနေရင် ဆံပင်ခြောက်သွေ့မယ်၊ဆံပင်မသန်စွမ်းနိုင်ဘူး။ ဗိုက်တာမင်-C ကြွယ်ဝတဲ့
အကောင်းဆုံး ဇာစ်မြစ်တွေကတော့ဂေါ်ဖီပန်းစိမ်း၊ အရွက်များသောအစိမ်းရောင်ဟင်းရွက်များ၊ ငရုတ်ပွစိမ်း၊အချဉ်သီးများနဲ့ စတော်ဘယ်ရီသီးများဖြစ်တယ်။

(၉)အိုမီဂါ -၃ဖက်တီးအက်ဆစ်များ

အိုမီဂါ-၃ ဖက်တီးအက်ဆစ်တွေဟာဆံပင်နဲ့ဦးရေခွံကျန်းမာရေးကိုဖြည့်ဆည်း ထောက်ပံ့ပေးပါသည်။
အဲဒီဓာတ်တွေချို့တဲ့ လို့ရှိရင် ဆံပင်နဲ့ဦးရေခွံခြောက်သွေ့တဲ့အပြင် ဆံပင်အရောင်ဟာ မွဲခြောက်ခြောက်ဖြစ်နေမယ်။
အဲဒီဓာတ်တွေကိုထုတ်ပေးတဲ့ ဇာစ်မြစ်ကောင်းတွေကတော့ ပင်လယ်ငါးသလောက်၊ ငါးသေတ္တာငါး၊
မြောက်အတ္တလန္တိတ် ငါးသလောက်မက်ကရယ်ငါး၊ နှမ်းကြတ်ပင်နဲ့ သစ်ကြားသီးတို့ဖြစ်ပါတယ်။

(၁၀)ကျန်းမာစေသောဆီများ

ခြောက်သွေ့ပြီး၊ ထိုင်းမှိုင်းတဲ့ ဆံပင်ကိုဘယ်သူမှ မလိုချင်ပါဘူး။ ဒါပေမယ့်စားသုံးတဲ့အာဟာရဓာတ်စာမှာ ဆီမပါရင်ရှင်သန်တဲ့ဆံပင်ကို ရမှာမဟုတ်ဘူး။ကျန်းမာရေးနဲ့ ညီညွတ်စေတဲ့ ဆီတွေကတော့ သံလွင်ဆီ မြေပဲဆီ၊(Safflower)နဲ့နေကြာဆီတို့ဖြစ်ပြီး၊ ၎င်းတို့ကိုမှီဝဲရင်ဆံပင်တောက်ပြောင်မှာ ဖြစ်တယ်။
တစ်နေ့ကို လက်ဖက်ရည်ဇွန်းတစ်ဇွန်းစားသုံးပါက လုံလောက်ပါ တယ်။  

(မင်းသုတ)

source>>>http://natureenergycare.blogspot.com/2012/10/blog-post_7126.html#more
မှတ်ချက်။    ။ တိတ်တိတ်လေးတော့မပြန်နဲ့ဦး comment လေးတော့ထားပေးပါဦးနော် သူငယ်ချင်းတို့ရေ။